חוצפה און עזות! (לכבוד פורים)

יואלישקא’ס? ראצער’ס! נידריגע יונגען! זייט ווען מאכן יואלי’ס בר מצוה? יא יא איך רעד פון די יואלי אל”ף’ס און יואלי בי”ת קינדערלעך. נישט זיי האבן בר מצוה! נאר זיי מאכן בר מצוה בליעה”ר.

איר ווייסט וואס דאס מיינט?

דאס מיינט אז דער דור האט זיך גערוקט מיט א צונאמישע לענדזלייד!

דאס מיינט אז אפאר יאר ארום וועט זיך אנהייבן די אינוויטעישאן’ס ווי ס’גייט שטיין “יואל ווייס א’ מצד החתן” “יואל ווייס ד’ מצד הכלה.

דאס מיינט אז ווען מ’גייט אויסרופן די אייניקלעך זכרים בעזהשי”ת וועט מען אויסרופן עפעס אזוי:

ר’ חעזקעל בן ר’ יואל בן ר’ לייב יענטאש מאכט דעם זכר ביי זיין שווער ר’ יואל בן ר’ חיים משה קרעמער אינדערהיים (און דא כאפן דעם אטעם)

איר פארשטייט וואס דא קומט פאר? עס איז ממש עק וועלט! משיח דארף שוין אנקומען פאר די יואלי’ס פאנגען אן צו אייננעמען די וועלט דא!!!

גיווואאאאאלד! די יואלי’ס אר קאמינג

Follow me on Twitter to get latest articles @zaltzvaser