גלאבאלע ראסיזם

זינט די בירגער קריג אין אמעריקע, ווען די בני חם האבן פארלוירן זייער געבורט שטאטוס פון עבדים, זוכן די אמעריקאנער צו פארגיטיגן פאר די בנים ובני בנים פון די שחורים, מ’גיבט זיי אלע רעכטן, און מ’נעמט אפילו אוועק רעכטו פון אנדערע, אולי יחוס וועלן זיי אמאל מוחל זיין פאר די אומרעכטן וואס מ’האט זיי געטוהן.

איינע פון די נאכווייען איז געבליבן אינעם גלאבאלן ליבעראליזם וואס די וועלט גוים פראבירן צו פראקטיצירן, איז די רייץ נאך באקריוודעטע. דאס הייסט אויב זענט איר באקריוודעט, וועט מען אייך געבן אלעס אויף די וועלט, און אויב נישט וועט מען אייך צום טויט פארפייניגן.

יעדער ווער עס קען נאר זיין באקריוודעט, וועט אלס פרובירן מיט אלע כוחות אזוי צו בלייבן, א הינקעדיגער ה”י וועט זיך ארום טראגן מיט זיינע שטעקעלעך אפילו ער איז שוין אויסגעהיילט, און וועט וועלן ווי לענגער קענען האלטן דעם “אינוואליד ערמעגליכקייטן” וואס ער באקומט, ווילאנג ער קען נאר.

אויב זאל א שווארצער (אזוי פלעגט מען רופן די אפריקאנער אמעריקאנער אמאל) זיך אויפוועקן איין צופרי און זעהן אין שפיגל אז ער ווערט פארווייסלט, וועט ער בכל כוחו פארפירן צוריק צו קריגן דעם שווארצן סטאטוס.

– עס איז קלאר ביי מיר אז די אלע זאכן זענען מרוב חסדיו פונעם בורא עולם, אז אידן זאלן אויך קענען הנאה האבן פון דעם שטאטוס, און קענען אנגיין מיט די מצוות ומע”ט, און נישט דארפן זיין אויסגעשטעלט צו קריוודעס ח”ו. נאר איך רעד נישט יעצט פון דעם טעמע-

אלנספאלס איז איינע פון די פינסטערע משוגעת’ן פונעם ליבעראליזם אז מ’טאר נישט קיין באקריוודעטן רופן אויפן נאמען פון זיין קריוודע. דאס דארף מכלומרש’ט זיין אזא שיינע מדה אז מ’פארשעמט נישט קיין מענטשן. א קשי’ אויפן חסד לאומים?

צום ענין: א שווארצער קען נישט גערופן ווערן, א שווארצער, ער איז א “אפריקאנער אמעריקאנער! א כינעזער, איז א אזיאטישער שיינקייט, א יאפאנעזער איז א יאפאניז אמעריקען וכו’.

קומט אמאל אויס אז א סענאטאר אדער קאנגרעסמאן זאגט דעם ווארט “שווארץ” און ער דארף מפייס זיין די עי עי על יו, מיט על שארפטאן און דזשעסי דזשעקסאן, און הערשט דערנאך ווערט ער נאך פארשריגן אלס ראסיסט.

איז אבער דא איין טאג אין יאר ווען ראסיזם איז גלאבאל אנגענומען, און דאס איז דער פרייטאג נאך טענקס גיווינג, און אנשטאט עס אנצורופן “אפריקאנער אמעריקאנער פרייטאג” רופט מען עס אפן און גראב “שווארצער פרייטאג” עפ”ל.

ווי נידעריג זענען מיר געפאלן, זיך אזוי נישט צו רעכענען מיט געפילן?

וואלט איר געגליכן ווען מ’רופט א צעפארענעם מוצאי טענקס גיווינג “ווייסער פרייטאג”? אדער גייט אייך גארנישט אן די שווארצע בלוט וואס ווערט אזוי אומשולדיג פארגאסן אין די גאסן?

צו ווייל איר ווערט פארקנעכטעט צום קליינעם פלאסטישן קארטל אין דעם טאג, מעג מען זיך באציעהן דערצו מיט אזא ראסיזם?

איך נעם זיך אן פאר די אפראמעריקאנער בכלל און פאר אלע באקריוודעטע בכלל גדול! ביטע זיך רעכענען מיט די געפילן, און פון היינט און ווייטער נישט שטיצן געשעפטן וואס שעמען זיך נישט און שרייבן ארויס “בלעק פריידעי” אויף זייערע סעילס.

און אז מ’רעדט שוין יא, איז וויכטיג צו לאזן וויסן דעם אמת’ן טעם פון בלעקפריידעי, אז עס הייסט אזוי ווייל עס פיהרט ארויס קאמפעני’ס פון די רויט (מיינוס) צום שווארץ (פלאס)

וואס מ’פארציילט אייך נאר נישט, איז אז עס פירט אריין דעם קלייענטעל צום רויט!!!

געדענקט אז איר זענט נאר א ראבאט אויב איר לאזט זיך אנצינדן! קויפט נאר וואס איר דארפט! נישט וואס מ’זאגט אייך אז איר ווילט! וד”ל